Asturianu | Aragonés | Castellano | Català | Euskera | Galego

L’esperantu ye una llingua planificada que facilita la comprensión ente persones de pueblos desemeyaos y que permite una igualdá de drechos ente cultures. Arriendes ye más fácile de deprender que cualesquier llingua nacional.

L’esperantu xorreció a partir del proyeutu qu’espublizó en 1887 el médicu de Varsovia L. L. Zamenhof. Anguañu esisten falantes d’esperantu nunos 120 países. El númeru precisu nun se conoz.

L’esperantu emplégase na práctica:

• por viaxeros qu’usen la rede mundial d’aloxamientu qu’ufierten esperantu-falantes;
• nos congresos esperantistes, festivales culturales ya otros actos;
• n’aficiones diverses como la correspondencia con collacios d’otros países, filatelia, radiuafición, discutinios en foros d’internet, etc;

Amás esiste una amplia lliteratura traducida ya orixinal. En casos especiales, l’esperantu úsase como llingua de ciencia, llingua de comerciu y llingua de trabayu en delles organizaciones non-gubernamentales.