O Esperanto ye una luenga planificada que fazilita a comprensión entre presonas de pueblos diferens y premite una igualdá de dreitos entre culturas. Ye posible alprender-lo más fazilmén que cualsiquier luengua nazional.

O esperanto eboluzionó á partir d'o procheuto que publicó o medico de Barsobia (Warszaw) L. L. Zamenhof en 1887. Enguán esisten fabladors d'esperanto en bels 120 países. O numero esauto ye esconoxiu.

O Esperanto ye emplegau en a prautica:

• por biachers que emplegan o rete mundial d'alox por parti d'esperanto-fabladors;
• en os congresos esperantistas, festibals culturals y atros autos;
• ta afizions dibersas como correspondenzia con amigos d'atros países, filatelia, radioafizión, descusions en os fórums d'internet, ezt;

Antimás, esiste una ampla literatura traduzida y orichinal. En bels casos espezials, o esperanto s'emplega como luenga de zenzia, luenga de comerzio y luenga de treballo en bellas organizazions no-gubernamentals.